大家好，我係SAI。有感自己跟大家嘅互動嚴重不足，會盡量每一至兩星期同大家分享互動。
今日我想同大家探討一下遇到一啲問題未能解決時，應該採取嘅態度或者行動。並唔係所有問題都可以單純地用塔羅牌去攞意見或指引的，以下有幾點大家係需要去明白：
1. 首先要明白同一個行為，只會出同一個結果。好多時候一件事情進展不似預期係因為用錯咗一個唔夠effective嘅方法，如果keep住用同一個方法，相信結果都會繼續一樣不似預期。
2. 問牌只可以提供改善嘅意見及方向，但唔會影響往後結果，只有自己改變行動後，過程及結果才會跟住改變。所以嚟問牌，最重要係改變嘅決心，其次係WhatApp我哋預約時間😂。
3. 如果事情本身並非自身任何行動或決定可以去改變的話，問牌只可以推測往後發展進程，等自己有心理準備。試過有一個客人得知公司將會喺不久將來裁掉自己，於是佢過嚟問牌，想尋求方法好讓自己可以留下。但因為公司已經作出咗決定，所以開牌後都沒有任何建議可以提供，結果只可以引導客人問下一份工作咩時候可以搵到、工作類型等資訊。
4. 心態決定境界，有啲時候就算跟足塔羅牌提供嘅指引去做，仍然會發現事情進展緩慢、不似預期。呢個時候切忌洩氣，試過有客人堅持落去，結果跟預定時間遲咗兩個月。但如果當初佢放棄，應該就會total loss。
講到呢度，問牌其實只係第一步，問完牌先係故事嘅開始，而呢個故事係由您自己去開創及成就！期待有天We Luv Tarot可以參與其中，同大家一起編寫新章。
Comments